一身Christian Dior盛裝打扮的陳慧琳，今日出席電影《冷靜與熱情之間》在日本東京舉行的記者會，可見Kelly（陳之洋名）十分重視今次與日本人氣男星竹野內豐的合作，現場有逾百名中日記者進行採訪，看來Kelly這兩天又成為兩地報章的頭條人物。

竹野內一味傻笑

兩位男女主角今日首次見面，Kelly對竹野內的第一個印象便是有型、上鏡、好有禮貌；而竹野內感覺Kelly好高及好親切，但對於問她靚唔靚的問題，竹野內顯得很尷尬，並沒有回答。懂日文的Kelly被竹野內的傻樣及說話惹得笑起來，而竹野內看見Kelly的表情亦笑起來。原來不止是對女方的問題，關於電影的問題竹野內亦十分謹慎地回答。

親熱戲有美感唔露骨

Kelly表示，因自己懂日文，竹野內的英文亦很好，故溝通不成問題。她透露，戲中兩人有頗富美感的親熱戲，但肯定不過火，Kelly笑言：「如果要露都唔會搵我啦！」對於要與竹野內親熱，男友會否介意？不拘小節的Kelly稱：「要擔心都唔使今日擔心啦，況且我同過好多靚仔合作過，除左金城武，仲同劉德華浸浴缸添。」

而正與男友沐浴愛河的Kelly，明天的情人節怎過？可惜Kelly仍要留在日本拍廣告，好在有另一位男士──爸爸相伴，亦感到十分開心。

撰文：姆明